İsmayıllının coğrafiyası

                     

                     Ismayillinin coğrafiyasi

İsmayıllı rayonu 1931-ci ildə təşkil edilmişdir. Sahəsi  2064 km²-dir. Əhalisi 70724 nəfərdir.

Böyük Qafqazın cənub yamacında yerləşir. Mərkəzi İsmayıllı şəhəridir. Azərbaycanın paytaxtı Bakıdan 270km aralıda yerləşir. Ərazisi əsasən dağlıqdır. Alazan, Həftəran vadilərinin cənub-şərq qurtaracağı  İsmayıllı rayonunun ərazisindədir. Rayonun Cənub hissəsi əsasən dağlıq, qalan hissələri isə düzəndir. Ərazisi dərin çay dərəlıri ilə parçalanmışdır.Çayları Kür çayı hövzəsinə aiddir.Kiçik gölləri var. Böyük yaşayış məntəqələri İsmayıllı şəhəri,  Lahıc qəsəbəsi,  İvanovka,  Mican,  Basqal,  Kürmaşı, Talacıq  kəndləridir.  Hazırda rayon ərazisində 114 kənd var.

              İsmayıllı dövlət yasaqlığı

İsmayıllı dövlət yasaqlığı 34,4 min hektar sahədə yaradılmışdır. Yasaqlığın yaradılmasında məqsəd buradakı heyvan və quşların qorunması və sayının artırılmasından ibarətdir. Ərazinin bitki örtüyü alp, subalp dağ-çəmən və meşə bitkilərindən ibarətdir. Meşə ilə örtülü sahə, əsasən vələs, fıstıq və palıd ağaclarından ibarətdir. Yasaqlıqda təkə, cüyür, nəcib Qafqaz maralı, köpgər, çöl donuzu, vaşaq, canavar, tülkü, dovşan, çaqqal, meşə pişiyi, yenot, porsuq, dələ və s. heyvanlar, kəklik, qırqovul, turac, alabaxta, bildirçin, boz kəklik, yaşılbaş ördək, cürə,ağ və boz vağ və s.quşlar məskunlaşmışdır.